الشاعر الرائد مطشر عبد النبي النداف المجراوي

    شاطر
    avatar
    علي كاظم الربيعي

    المساهمات : 304
    تاريخ التسجيل : 15/05/2011

    الشاعر الرائد مطشر عبد النبي النداف المجراوي

    مُساهمة  علي كاظم الربيعي في الجمعة مايو 20, 2011 12:30 am

    ألشاعر ألرائد مطشر بن عبد ألنبي ألنداف ألمجراوي أمير ألزهيري في العراق
    ________________________________________

    الشاعر الراحل مطشر عبد النبي المجراوي
    امير الزهيري رحل مع الشعر والطرب

    ان استذكار مبدعينا الذين رحلوا بعد مسيرة طويلة من العطاء والابداع وتركوا
    لنا خزينا شعريا تتفاخر به الاجيال الشعرية ,يعد استذكارهم واجبا على كل
    مبدع عراقي ليعرف ماضيه ويستلهم منه البريق والوهج الابداعي الذي صنع من
    خامات الابداع العراقي مبدعيين يشار لهم بالبنان .
    ومن بين هذه الخامات الشعرية التي تعد علامة بارزة في مسيرة الشعر الشعبي
    العراقي والاغنية الريفية الشاعر الراحل مطشر عبد النبي المجراوي المولود
    في قضاء المجر الكبير في مدينة العمارة .
    هو شاعر امي لا يقراء ولا يكتب الا انه ابدع في كتابة الموال الزهيري
    والابوذيه وقصيدة الموشح والقصائد الحسينية ,وبراعته وتمكنه الشعري دعاه في
    عام 1938 لابتداع شطرثامن للموال الزهيري كقفل للمفردة الثالثة .
    غنى له كل مطربي الريف امثال الفنانون (سلمان المنكوب )و(سيد محمد )و(عبادي
    العماري )و(سعدي الحلي )وغيرهم من مطربي الريف انذاك (رحم الله الراحلون
    منهم ).
    مما كان يحسب له هو تلاعبه الجميل بمفردات الموال بطريقة عجيبة لم يسبقه
    لها او ياتي بعده احد في ذلك , اطلق عيه شعراء جيله بأمير الزهيري لكونه
    ابتدع وابتكر البيت الثامن اي القفل .
    اغمض اغماضته الاخيرة ظهر يوم 26/5/1969 تاركا خلفة خزين كبير من التراث
    والشعر والاوراق التي لم تدخل حيز الطبع لتكون كتاب او ديوان ومن بينها هذه
    المحاورة التي دارت بينه وبين ابنه فاخر مطشر عبد النبي المجراوي الذي ترك
    عمله في الندافة واصبح موظفا في دوائر الدولة وسأت احواله الماديه فبعث
    لابيه هذه الابيات من الابوذيه

    جنت طاغي ولعد المال بذال
    اوسفه اعله المعاش الصار بذال
    انه الشبوط اكدر الماي بذال
    شبج رايج زلجني وخان بيه
    فأجابة ابيه الشاعر الراحل مطشر عبد النبي المجراوي قائلا
    ذليل وبدلت دالك بذلك
    اسد وعرفت مقياسك بذلك
    ندري بيك فاخر بذلك
    يكلب السمج ماتحمل وصيه

    و اليكم امثال من شعره .
    (1)
    ذابت ولك مهجتي والدمع سين ولام
    مانام جفني وغمض للنجم سين ولام
    انبيك عن الكلب للراس شين وباء
    وعلكت نار الهجر بحشاي شين وباء
    دره انه جنت احبك وطلعت شين وباء
    مدروك درب الهوه مدرينه سين ولام
    (2)
    ايم على الماي شفته واو الف ري دال
    ينسل اجعوده ابطيب الواو الف ري دال
    ناديت شمسك حبيبي ميم الف ري دال
    ثنيت منسمك يعيني عن لا اوي
    ناديت يهل القصور ال عين لا اوي
    مامرعليكم حبيبي ال ميم الف ري دال
    --------------------------------------------
    avatar
    علي كاظم الربيعي

    المساهمات : 304
    تاريخ التسجيل : 15/05/2011

    رد: الشاعر الرائد مطشر عبد النبي النداف المجراوي

    مُساهمة  علي كاظم الربيعي في الجمعة مايو 20, 2011 12:33 am

    اْهنا يمن جنه اوجنت *** جينا اْوكفنه ابابك
    اوليف الجهل ما ينسي *** اشمالك نسيت اْحبابك


    اهنا يمن جنه اوجنت روحين لاجن بس جسم
    فركاك فطر مهجتي او ضليت بس امشي رسم
    تدري اْبنحولي اْ شوصلت عجزان عن شيل الهدم
    يل صوبت جبدي ابسهم ها ها تشد اصوابك

    اهنا يمن جنا اوجنت ما نقبل الواشي الوشه
    فركاك فطر جبدتي او كطع سبابيح الحشه
    ذبيتني اْبير الهوى او ليش اكطعت بيه الرشه
    بذات ما عندك وفه يحرم عليه اعتابك

    اهنا يمن جنا اوجنت اثنين ما ثالث نحب
    فركاك مو هين علي يا صا حبي كلش صعب
    ما جنت اظن ابعشرتك يومين عني او تجتنب
    وانت يا ما عندك وفه تجفي اوتخون ا صحابك

    اهنا يمن جنا اوجنت مابيني او بينك شرط
    وياك لو طاير طرت وياك لو حطيت احط
    ذبيتني ابحر الهوىاو ضليت يس انتك واغط
    او خليتني باخر نفس متكلي شنهي احسابك

    اهنا يمن جنا اوجنت والكومه والكعده سوى
    اذكر ليالي الي مضت اونايم انه ابحر الكوه
    حاكم على حبك تره اوفرني ابدواليب الهوى
    والله ما يعظم علي امصاب مثل امصابك

    المصدر / من مكتبة الشاعر علي كاظم الدرجال الربيعي / مفتاح القصيدة لشاعره
    من الناصرية غنى المطرب داخل حسن بعض الآبيات منها واعتمد المستهل وكانت
    من الأغاني المشهورة للشاعر / مطشر بن عبد النبي النداف ألمجراري الز بيدي
    avatar
    علي كاظم الربيعي

    المساهمات : 304
    تاريخ التسجيل : 15/05/2011

    رد: الشاعر الرائد مطشر عبد النبي النداف المجراوي

    مُساهمة  علي كاظم الربيعي في الجمعة مايو 20, 2011 12:35 am



    <blockquote class="postcontent restore">
    يقول الشاعر مطشر بن عبد النبي النداف المجراوي
    ياصاح جرح الكلب حاير انه ابلحمته
    اْوثوب التهاني ركد مبتوت من لحمته
    غم الرجل لو رجه انوالات من لحمته
    يا صاحبي الروح بعنان الصبر عنها
    اولديار الاجوادروحك لو بغت عنها
    لكن بدت مساله وارد ساْ لك عنها
    كلي الجلب لوسمن هم تنوكل لحمته

    الجواب *******
    ارداي ثوب الصبر وعلى النوايب جلد
    واللي نخاني اطيحن دوم جلد اوجلد
    اطعن اكلوب العدا اوبلراس اجلد جلد
    واعتني الزينات لو سابع سمه لو سمن
    اولركاب الانذال انه اشتري لو سمن
    يلكلت لحم الجلب من ياكله لو سمن
    اليوم اكو انذال تاكل لحمته والجلد
    -------------------------------------
    </blockquote>

    avatar
    علي كاظم الربيعي

    المساهمات : 304
    تاريخ التسجيل : 15/05/2011

    رد: الشاعر الرائد مطشر عبد النبي النداف المجراوي

    مُساهمة  علي كاظم الربيعي في الجمعة مايو 20, 2011 12:36 am

    أهنا يمن چنه أو چنت جينه أوگفنه أبابك
    ولف الزغر ما ينسه أشمالك نسيت أحبابك

    إن لهذه القصيدة قصة ربما لا يعرفها الكثير نتناول تفاصيلها بأيجاز :::::
    في محافظة الناصرية وفي العام ما بين (1920 و 1930) كانت هنالك علاقة حب
    بين امرأة ورجل يمتلك متجراً أو محل بسيط في احد أسواق الناصرية وكان يتم
    اللقاء بينهم في باب المحل بحجة التبضع شاء القدر أن صاحب المحل أغلق المحل
    لسبب طارئ وذلك دون علم الحبيبة وفي كل يوم تأتي الى المحل ولم تجد
    الحبيب، دارت في دواخلها أمور كثيرة فأخذت قصاصة من الورق وكتبت عليها
    وألقتها في المحل من احد الفتحات في الباب:
    أهنا يمن ?چنه اوچنت جينه اوگفنه أبابك
    ولف الجهل ما ينسى شمالك نسيت أحبابك
    *****************************
    عندما عاد الرجل الى المحل وبعد أن أنهى عمله الطارئ وجد هذه الورقة وعليها
    هذه الكلمات مما أهاج شعوره وكان لا يجيد كتابة الشعر فذهب الى شاعرنا
    المبدع المرحوم ( حاج زاير أدويچ )وطلب منه ان يكمل له القصيدة ولكن شاعرنا
    المرحوم حاج زاير أدويچ أخبر صاحب المحل بانه غير عاجز عن التكملة ولكنه
    سوف يرسلها الى صديق له شاعر مبدع من اهالي ميسان قضاء المجر الكبير وهو
    الشاعر المرحوم حاج مطشر عبدالنبي الزبيدي المعروف في الوسط الشعري
    بالمجراوي.
    أي أن البيت الأول أو مدخل القصيدة لم يكن الى شاعر بل الى تلك الحبيبة في
    الناصرية، وحين وصول المقطع الأول الى شاعرنا المرحوم حاج مطشر عبدالنبي
    المجراوي، أكمل القصيدة وقد غنت في وقتها من قبل المطرب المرحوم داخل حسن
    ونالت استحسان الجميع. ولكونها قصيدة جيدة كتب على غرارها (7) قصائد لشعراء
    من المشخاب وقصيدتين من غماس والعاشرة من الحلة وأردف شعراء من العمارة من
    قضاء قلعة صالح الشاعر حمدي عبد ألرضا ألسيد وآخرين من الكحلاء ملا راضي
    الحمدي السوداني وكذلك شاعرنا من الديوانية طاهر المصري أي أصبح أربعة عشر
    شاعر كتب عليها.
    وأليكم مقاطع مما كتبه الشعراء حول هذه القصيدة وكذلك القصيدة الأولى التي
    كتبها شاعرنا الحاج مطشر عبدالنبي المجراوي التي غناها المرحوم المطرب داخل
    حسن.
    1- الشاعر ملا محمد الجبار من أهالي المشخاب:
    ولف الجهل ماينسه وانته صدگ ناسيني
    أسنين مرت بالهجر وأنه الهجر ماذيني
    حالن دواليب الدهر مابينك أومابيني
    موش أبدواليب الدهر مدولشه أبدولابك
    2- الشاعر عبدالنبي آل حمد من أهالي المشخاب:
    أهنا يمن چنه أوچنت گلي العهد چاوينه
    تذكر ليالينه المضت ليل الشته أمگضينه
    جيت أرد اشوفن سلوتي وتشوف جرحي وينه
    لحدولك غادي الجده عبّر تراه أصوابك
    3- الشاعر عبد الهادي الملا احمد من أهالي المشخاب:
    ولف الجهل ماينسه ماينسه أي والله
    أبعدت وفراگك تره داي ابدليلي خله
    حي الذي عنه ابعدت مالي بعد في ظله
    أوحش عليّ بفرگتك وأظلم تره بغيابك
    4- الشاعر عبدالامير الفتلاوي من اهالي المشخاب:
    مالك نسيت احبابك ولف الجهل ما ينسه
    خبر وهنه اومصباحك وبنورك أينور السمه
    كل العجب يا سلوتي تبدل اگليبل هسه
    ما تذكر ايام الصبه متدولب ابدولابك
    5- الشاعر السيد عبدالمطلب السيد علاوي/ المشخاب:
    الذكر ولف الجهل لا تعتقد عنده وفه
    يمحمد انه اتحيرت اشلون أوصفه بياصفه
    يمحمد الينطي عهد عهد الجهل ما ينفه
    وانته نسيت شچم عهد واشچم حلف بكتابك
    6- الشاعر نعمة المزهر العامري/ المشخاب:
    جبنه الدرب كله نشد ونسولف ابهجرانك
    من النزل ممشه اعله الرجل والتعب يم وجدانك
    شكت علينه اهل البلد حين الوصلنه الخانك
    هذا اوبعد واللي جره يمحمد أمن اسبابك
    7- الشاعر ملا جبار الشيخ سعد/ المشخاب:
    لجلك تحملت العنه او حجي اليضد شيشيله
    فكر تصير العامري وانه بمودة ليله
    وانته ابصدودك طلبتي بس الگلب ناديله
    بالگلب منهو الغيرك من انذرك من عابك
    8- الشاعر كاظم گاطع/ ناحية الغماس:
    أهنا يمن چنه اوچنت جينه اوگفنه اعلى الباب
    انذچرك اعلى ايامنه او نتعاتب اوياك أعتاب
    مثل ابو أصفيره چن صرت واستعمليت الچلاب
    لاچن أمهنه ابغيرنه من چلبت چلابك
    9- الشاعر هادي المهدي العنزي/ الغماس:
    ولف الجهل يا من چنت تعرف اصول الخوّه
    أيطول الزمن ماينسه أعليه الظلع يتلوه
    بل چنت تلفي ابكل وكت ليل الفي هم امروه
    ماچنت حاسب بالعمر خايب يرد طلابك
    10- الشاعر عبدالصاحب عبيد الحلي/ الحلة
    چنك ابو جاسم صدگ ناسي العهد ويامه
    أنه بعدني اعل العهد ومأنف اويه زمامه
    وانچان صدرك ما يون صدري امشربچه اعضامه
    وتململ أمن اسمك يمر واتضجور أمن اصوابك
    11- الشاعر طاهر المصري/ الديوانية:
    شيصير يا غادي الجده لوچان بحبابك تمر
    چا مانسيت آني الهوه لوما ودادك من زغر
    ما گصرت من هاجرت خليت ألك عندي وجر
    أصحه وأموتن وانتشر والگي وجع لصوابك
    12- الشاعر ملا راضي الحمدي السوداني/ ميسان الكحلاء
    أهنا يمن چنه وچنت تلعب اوياي أبملعبي
    ما تذكر أوداد الجهل يوم الجنت غيدٍ صبي
    اوياك اعتني بطلابتي لمطشر العبد النبي
    لو راد يحكم بالعدل لا يختشي وميهابك
    31- الشاعر حمدي عبدألرضا ألسيد/ ميسان- قلعة صالح:
    اعتذر لعدم وجود هذه القصيدة في حوزتي لكني متأكد من ان هذا الشاعر كتب قصيدة لهذا الموضوع.
    اود اعلامكم ان شاعرنا المرحوم حاج مطشر عبدالنبي المجراوي من مواليد 1898
    ومتوفي في عام 1969 ولد في المجر الكبير من اب وجد وخال كانوا من الشعراء
    المعروفين في ذلك الوقت وكان رجل لا يجيد القراءة والكتابة أي انه رجل أمي
    وبقي الى الوقت الحاضر علم من اعلام الشعر الشعبي في العراق وعاش وترعرع في
    عائلة أدبية.
    هذه القصيدة التي كتبها الشاعر المرحوم حاج مطشر عبدالنبي المجراوي وغنت في وقتها من قبل المطرب المرحوم داخل حسن.

    (أهنا يمن چنه أوچنت جينه اوگفنه أبابك
    ولف الجهل ما ينسي شمالك نسيت أحبابك
    * * *
    أهنا يمن چنه أوچنت روحين لاچن فد جسم
    فرگاك فطر مهجتي أوظليت أمشي بس رسم
    تدري أبنحولي أشوصلت عجزان من شيل الهدم
    يل صوبت چيدي أبسهم ها ها تشد أصوابك
    * * *
    أهنا يمن چنه أوچنت ما تقبل الواشي الوشه
    فرگاك فطر چيدتي وگطع سبابيح الحشه
    ذبيتني أببر الهوه أوليش اگطعت بيه الرشه
    بذات ما عندك وفه يحرم عليه أعتابك
    * * *
    أهنا يمن چنه أوچنت أثنين ما ثالث نحب
    فرگاك مو هين علي يا صاحبي كلش صعب
    ما چنت أظن أبعشرتك يومين عني اوتجتنب
    وانته يما عندك وفه تجفي أتخون أصحابك
    * * *
    أهنا يمن چنه أوچنت ما بيني اوبينك شرط
    وياك لو طاير طرت اوياك لو حطيت أحط
    ذبيتني أبحر الهوى او ظليت بس انتگ وغط
    وخليتني بأخر نفس متگلي شنهي أحسابك
    * * *
    أهنا يمن چنه أوچنت متگلي بلله شحسبت
    من أتركتني بلايا سبب يا ظالمي مني أشفت
    انچان بحت السر ذنب غصبن عليه سولفت
    چا ما لمتني لو عشر ما صاب گلبي صابك
    * * *
    أهنا يمن چنه أوچنت بالگومه والگعده سوه
    أذكر ليالي ألمظت وطعم أنه أبحر التوه
    حكم علي حبك تره و فرني بدواليب الهوه
    الله ما يعظم عليه أمصاب مثل أمصابك
    * * *
    أهنا يمن چنه أوچنت أيمانك اوياي أنسن
    خليت روحي أمعذبه وسلواي بس شرب التتن
    حسبالي تبقه عشرتك وياي لخيوط الچفن
    يا حيف سري بان ألك ما چنت قاري أكتابك
    * * *
    أهنا يمن چنه أوچنت ما ردك الزاد وملح
    وأن كسرت كلبك ونتي تميت اسهر للصبح
    سر حبك أبگلبي أنخفه لاچني مريود أفتضح
    دمعي هتك سري أوظهر لحبابي وأحبابك
    * * *
    أهنا يمن چنه أوچنت لو تسمع آتاني الأجل
    أحضر لعد أجنازتي لو شفت تابوتي أنحمل
    اوشايعني ألحد الگبر وتلگه نعشي لو نزل
    أوبيدك تحطني باللحد اوهيل عليه اترابك
    * * *
    أهنا يمن چنه أوچنت أكتب عله گبري سطر
    هذا قتيل أهل الهوه بيتين من نظم الشعر
    حته اليراني يتعض كل عاشگ البيه يمر
    ويگلي الدرب الهوه مسكين ياهو الجابك

    **************************

      الوقت/التاريخ الآن هو السبت نوفمبر 18, 2017 4:33 pm