ابوذيات لبركان الابوذيه الشاعر المبدع سعد محمد الحسن

    شاطر
    avatar
    حيدر رحيم

    المساهمات : 15
    تاريخ التسجيل : 15/12/2010

    ابوذيات لبركان الابوذيه الشاعر المبدع سعد محمد الحسن

    مُساهمة  حيدر رحيم في الأربعاء ديسمبر 15, 2010 11:59 am

    السلام عليكم

    الشاعر سعـــــــد الحســــــــن
    لاروع الابوذيات

    و انسجنه
    لحوك بثوب حسنك و انسجنه
    بجهنم حبك ارضه و انسه جنه
    انحبسنه بقفص عينك و انسجنه
    و تحط رمشك كلبجات بأديــــــه
    بس ميانه
    الحلو ردنا يجينه بس ميانه
    و ابد ما ردنه كوه بس ميانه
    اريدن طابو كلبك بأسمي انه
    عقار اسحب عليه و ابني اليه
    و انته راوي
    اراوي جروح كلبي و انته راوي
    و رواية شوك روحي و انته راوي
    عثك الناس حشف و انته راوي
    بريمك طاح من خدك بديه
    دلالك
    عكلي ما دلا لغيرك دلا لك
    حلو و يمرعد بكلبي دلالك
    كم كم خني و معاشر دلالك
    صافي اشرب و خلي البثل ليه
    ترتجي انته
    بعد المن تتاني و ترتجي انته
    تشيل تهيم حتما تره تجي انته
    بلايه عضام تمشي و ترتج انته
    اتفصخ خاف كل وصله بزويه
    مرهم انه
    اهوج خلاف عينك مرهم انه
    و اهد بعناد جرحك مرهم انه
    حلو كلش و اشرك و مر هم انه
    علج بس تجي مروره طعم بيه
    ما رهمنه
    و حكك عكب عينك ما رهمنه
    و ابد مفتاح غيرك ما رهم النه
    و لون ايوب يوما مره همنه
    جر اذنه الصبر على البليه
    كهرب انه
    نزل بالريح يجفل كهرب انه
    شما تفركني افوحن كهرب انه
    خزني و من خزرتك كهربانه
    انتلنه و شفنه بي عين المنيه
    و انتلنه
    يون كلبك و ندري ونته النه
    تكهربنه بودادك و انتلنه
    رخي ويه الناس شصك ونته النه
    اجت سنارته بلا طعم بيه
    و اختلفنه
    جم حسره التهدنه و أخ تلفنه
    و جم اخ الدمرنه و أخ تلفنه
    لون احنه انجسمنه و اختلفنه
    نطمع الشامت الذاته رديه
    و انجب
    العمر ماي و تبده غفل و انجب
    وكفهيت التنعثر و اكع و انجب
    الوكت من زمخ كتله انلصم و انجب
    و خزرته بغيض من عاين عليه
    من نزفهن
    انه جروحي عرايس من افزهن
    و غدت حمرة حلكهن من نزفهن
    انه ازمخ عليهن من افزهن
    انط زهكان و يضحكن عليه
    و عضك
    يا كلبي تبرة احببك و عضك
    و لا صحلك اخو ينصحك و يعضك
    الناس التهمت بالعضني و عضك
    للتخرمش مخالبهم قويه
    عضيدي
    الدنيه كسرت جفي و عضيدي
    و بعد ميفيد عض شفتي و عض ايدي
    شلي بدنياي لو غرب عضيدي
    هذاك الجان من اوكع تجيه
    تح ياتي



      الوقت/التاريخ الآن هو الأربعاء أكتوبر 17, 2018 6:32 am