قصيدتان غزل وعتاب للشاعر نائل مضفر

    شاطر
    avatar
    حيدر رحيم

    المساهمات : 15
    تاريخ التسجيل : 15/12/2010

    قصيدتان غزل وعتاب للشاعر نائل مضفر

    مُساهمة  حيدر رحيم في الخميس ديسمبر 16, 2010 10:19 pm

    أريد وياك افتح باب العتاب
    وأكفر بالعشگ لو گتلي سدة

    تنام أبلا مخدة ويخلص الليل
    وانة كلساع شابگلي مخدة

    صاير ما تحس كلش هلأيام
    وحيل أتغيرت بيك المودة

    تجر گلبي وتحبسة بطرف الرموش
    لاعينك تشدة ولاتهدة

    ولو خصرك سفينة وصدرك شراع
    وتخدر كل هوة بصدرك تصدة

    بس لاتنتفخ كلش على هواك
    لانغرگ ولك يسمر تهدة

    آنة اشگد اجيتك كفر الباب
    من گد ما ألي تفتحة وتسدة

    وانتة ولا أجيت بيوم يهواي
    حتى بالعشگ گاظيهة خدة

    هاي وياك صارت وحدة يهواي
    وأمس بالليل هم مطلوب وحدة

    كلشي الزين بيك وكلشي مو زين
    حچيتة وبلهوة ظليت أهدة

    أشوف الزين كلة الأذنك أيروح
    والموزين من يمك تعدة

    يسباح الشواطي أشبدلك شوك
    ليش اتغيرت مو چنت وردة

    وأشوف الناس گالت هذا يهواك
    وعليك ايدور وجهة اشما تعدة

    گلت لا چي حلو مو وجهة اليدور
    خدة أيدور حتى أيبوس خدة

    وجناتك شمس تحرگ بالگلوب
    والما يحترگ يحترگ جدة

    احترگ جدي بهواك وشيب الراس
    نسيت اشلون كل ذيچ المودة

    شتگل للناس ما يعرفني چذاب
    ولا شعري لعب جولة على زندة!!!



    وانة الچافي العمر من فتحة الزيج
    والليمون فوگ اچفوفي ندة

    اعددلك شكو بجسمك مسامات
    وأسميهن بسمهن وحدة وحدة

    مو آنة الخلقتك ونفخت بيك
    بس الخالقك ظليت اعبدة

    تذكر من چنت تتشابگ وياي
    شعرك روج احسه وچتفي سدة

    يشدني وأرد أشدة وما أشد شي
    لأن خيط الشمس محد يشدة
    لأن خيط الشمس محد يشدة
    *********************



    قصيدة غزل مو طبيعية لشاعر الكبير نائل مظفر



    الواحد فرد مايقبل التقسيم
    بس اني انقسم وبدونك اتعدد

    اتقسم بدونك ونجمع ويااك
    لان كلي ويه كلك بيك يتوحد

    جنت جاهل وجيك اتشرد من الناس
    هسه اتعلمت من نفسي اتشرد

    عشكتك ذره ذره وصرت اغار عليك
    اذا محد يبوسك اذبح المحد

    ولك لاتنطرح يم ناس تعبانبن
    مو طولك حصاد اشلون تتمدد

    وشعرك ليله ظلمه اتوحشت عل ريح
    كلما هب عليها اتلفلفه باسود

    وجبينك ايد موسى المعجزه البيضااء
    مو حقه الكفر من شافك اتعبد

    وفراشة نور اذنك والزلف خطاف
    مره ايحط عليها ومره يتبعد

    وجفنينك سمه ومجفي عله رمشك ليل
    اذا ترمش يظل فرقد يطك فرقد

    يلعينك بحيره بكل هدووء الليل
    ودموعك نوارس لو مشت علخد

    وعله خدودك صور منقوشه من بوساات
    اباوع بصور مابايسك احد

    وشفتينك شمس من تبتسم نصين
    يكطعها البرق وبنصها يجمد

    وحنجك صدر بجعه انصاغت من النور
    اذا ماتت شمس من نوره تتولد

    ومثل زمزم ركبتك نص ذهب نص جاام
    وعين الماي هاي العصدر تركد

    ونام أباب صدرك وذنب وانخاك
    كبتين الذهب ماتشفع لأحد

    يبو ايد الثلج لاتطلع بتموز
    مو خاف الثلج خاف الخلك تبرد

    واذا لا مو ثلج كل هلبياض منين
    معقوله العظم فوك الجلد يصعد

    يل جتفك مناره بيا شرع يا دين
    اموت من العطش وكبالك اتشهد

    وحدر جتفك فرات ودجله ملتقيات
    وشفت شط العرب جوه الجتف ممتد

    وباوع عل بطن مو ركبت الدلفين
    لان عين الحياة بفرضتك تركد

    يبو ساك الكطن ليش افتحتلك باب
    مو خاف الكطن بالعين يتفرهد

    خطواتك حضاره وخصرك التاريخ
    اذا تمشي العرب فوك الفرس تصعد

    وعلي كل ماتمر يجبرني حسن البيك
    اوصفنك لجن من وصفك اتردد

    لذالك ماوصفتك وعتذر يهواي
    وصفت الخيال المنك اتولد





    **********************
    تقبلوووووووووووووووو
    تحياتــــــــــــــــــــــــــــــــــــي
    ((((((حيدر الساعدي)))))))


      الوقت/التاريخ الآن هو الجمعة ديسمبر 15, 2017 3:16 am