الرئيسية
خطواتك حضارة وخصرك التاريخ ..!!!!
الواحد فرد ما يقبل التقسيم
بس انه انقسم وبدونك اتعدد
اتقسم بدونك وانجمع وياك
لان كلي ويه كلك بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذرة ذرة وصرت اغار اعليك
اذا محد يبوسك اذبح المحد
ولك لا تنطرح يم ناس تعبانيين
مو طولك حصار شلون تتمدد
وشعرك ليله ضلمه اتوحشت عالريح
كل ما هب عليها اتلفلفه ابسود
وجبينك ايد موسى المعجزة البيضاء
مو حقه الكفر والشافك اتعبد
وفراشة نور اذنك والزلف خطار
مرة يحط عليها ومرة يتبعد
وجفنينك سما ومجفي اعله رمشك ليل
اذا ترمش يظل فرقد يطك فرقد
يل عينك بحيرة كل هدوء الليل
ودموعك نوارس لو مشت عالخد
وعله اخدودك صور منقوشه من بوسات
اباوع عالصور ما بايسك احد
وشفتينك شمس من تبتسم نصين
يقطعها البرق وبنصها يتجمد
وحنجك صدر بجعه انصاغت من النور
اذا ماتت شمس من نورك اتولد
ومثل زمزم ركبتك نص ذهب نص جام
وعين الماي هاي ال عالصدر تركد
ونام اباب صدرك واذنب وانخاك
كبتين الذهب ما تشفع لاحد
يبو ايد الثلج لا تطلع بتموز
مو خاف الثلج خاف الخلك تبرد
واذا لا مو ثلج كل هالبياض منين
معقول العظم فوك الجلد يصعد
يل جتفك منارة بيا شرع يا دين
اموت من العطش وكبالك اتشهد
وحدر جتفك فرات ودجله ملتقيات
وشفت شط العرب جوة الجتف ممتد
واباوع عالبطن مو ركبة الدلفين
لان عيين الحياة بصرتك تركد
يبو تاج الكطن لين افتحتلك باب
مو خاف الكطن بالعين يتفرهد
خطواتك حضارة وخصرك التاريخ
اذا تمشي العرب فوك الفرس تصعد
وعلي كل ما تمر يجبرني حسن البيك
اوصفنك لجن من وصفك اتردد
لذلك ما وصفتك واعتذر يهواي
وصفت الخيال المنك اتولد
وصفت الخيال المنك اتولد
الواحد فرد ما يقبل التقسيم
بس انه انقسم وبدونك اتعدد
اتقسم بدونك وانجمع وياك
لان كلي ويه كلك بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذرة ذرة وصرت اغار اعليك
اذا محد يبوسك اذبح المحد
ولك لا تنطرح يم ناس تعبانيين
مو طولك حصار شلون تتمدد
وشعرك ليله ضلمه اتوحشت عالريح
كل ما هب عليها اتلفلفه ابسود
وجبينك ايد موسى المعجزة البيضاء
مو حقه الكفر والشافك اتعبد
وفراشة نور اذنك والزلف خطار
مرة يحط عليها ومرة يتبعد
وجفنينك سما ومجفي اعله رمشك ليل
اذا ترمش يظل فرقد يطك فرقد
يل عينك بحيرة كل هدوء الليل
ودموعك نوارس لو مشت عالخد
وعله اخدودك صور منقوشه من بوسات
اباوع عالصور ما بايسك احد
وشفتينك شمس من تبتسم نصين
يقطعها البرق وبنصها يتجمد
وحنجك صدر بجعه انصاغت من النور
اذا ماتت شمس من نورك اتولد
ومثل زمزم ركبتك نص ذهب نص جام
وعين الماي هاي ال عالصدر تركد
ونام اباب صدرك واذنب وانخاك
كبتين الذهب ما تشفع لاحد
يبو ايد الثلج لا تطلع بتموز
مو خاف الثلج خاف الخلك تبرد
واذا لا مو ثلج كل هالبياض منين
معقول العظم فوك الجلد يصعد
يل جتفك منارة بيا شرع يا دين
اموت من العطش وكبالك اتشهد
وحدر جتفك فرات ودجله ملتقيات
وشفت شط العرب جوة الجتف ممتد
واباوع عالبطن مو ركبة الدلفين
لان عيين الحياة بصرتك تركد
يبو تاج الكطن لين افتحتلك باب
مو خاف الكطن بالعين يتفرهد
خطواتك حضارة وخصرك التاريخ
اذا تمشي العرب فوك الفرس تصعد
وعلي كل ما تمر يجبرني حسن البيك
اوصفنك لجن من وصفك اتردد
لذلك ما وصفتك واعتذر يهواي
وصفت الخيال المنك اتولد
وصفت الخيال المنك اتولد
