قصيدة (الخائنه ) لاستاذنا الشاعر نائل مظفر

    شاطر
    avatar
    حيدر رحيم

    المساهمات : 15
    تاريخ التسجيل : 15/12/2010

    قصيدة (الخائنه ) لاستاذنا الشاعر نائل مظفر

    مُساهمة  حيدر رحيم في الخميس ديسمبر 16, 2010 10:37 pm




    الخائنة


    جنتي نسمة وجنتي ضحكة
    وجنتي وردة ياسمين
    وجنتي نغمة
    بشفة القيثارة تضحك للسنين
    وجنتي ثوب
    إنشر على حبال الدروب ولثكّـّتة العابرين
    ليش؟؟؟؟
    مو جنتي حمامة رحتي وين إترفرفين
    خلصت سطوح المحلة وبالمغارة اتعششين
    يا مها الغابة إشكبرهه
    إشوصلج يم العرين
    عينج إبكد القيامة شبيج ماشفتي الكمين؟؟؟
    جنتي ويــ؟ــ؟ــ؟ـن وهسة وين
    جنتي مسجد بيج اصلي صرتي حانة مفلسين
    باكوا ألأكبر بذانج
    بعد بيش إتكبرين
    جنتي قلعة وطاح بابج
    ليش ما تتهدمين
    إنكسر عثكَج ينخلة وانه أتاني إترطبين
    بفيج إشكعدني أني لايتهموني ابكسرتج
    حتى فيج مو أمين
    ولا تجين..لاتجين
    جنت اكل للناس عذرى
    شراح أكلهم من تجين
    لنتي مريم
    حتى بالقرآن أكولن تنقرين
    ولا بعيسى تبشرين
    جابعد إلمن تجين
    لا.لا.لا تجين


    تحياتي ..
    avatar
    ammar

    المساهمات : 12
    تاريخ التسجيل : 08/12/2010
    الموقع : www.maysanonline.com

    رد: قصيدة (الخائنه ) لاستاذنا الشاعر نائل مظفر

    مُساهمة  ammar في الثلاثاء مارس 22, 2011 9:10 pm

    حياك الله..ويسلم ذوفك
    avatar
    امل

    المساهمات : 15
    تاريخ التسجيل : 22/03/2011
    العمر : 28

    رد: قصيدة (الخائنه ) لاستاذنا الشاعر نائل مظفر

    مُساهمة  امل في الثلاثاء مارس 22, 2011 9:36 pm

    قصيدة جميلة..بس ليش دائما المرأة يصورها الشعراء على انها الخائنة وليس الرجل؟؟

      الوقت/التاريخ الآن هو السبت سبتمبر 22, 2018 2:27 pm