منتديات ميسان أونلاين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    الزهراء البتول ( ع )

    علي كاظم الربيعي
    علي كاظم الربيعي


    المساهمات : 304
    تاريخ التسجيل : 15/05/2011

     الزهراء البتول ( ع ) Empty الزهراء البتول ( ع )

    مُساهمة  علي كاظم الربيعي الإثنين مايو 16, 2011 8:30 am

    قصيدة ألزهراء ألبتول // للشاعر علي كاظم درجال (ابو عمار ألربيعي )
    =======================================
    حزنت مره أوضحكت مره
    أوياماشا فت ضيم ألزهره
    هيه ألكوثر
    هيه ألسكر
    هيه ألدره
    هيه التاريخ ألأسلامي وهيه ألفكره
    هيه ألنور ألضوه ألدنيا وهيه ألكمره
    هيه أفكار ألمنها ألشاعر ينظم شعره
    هيه ألتاج ألفوك ألراس وهيه ألحره
    هيه أم زينب هيه ألبلقرأن ألسدره
    هيه ألنور بعالم مظلم هيه ألعبره
    هيه ألداعت يوم ألبيعه ابحك ألعتره
    هيه ألحزنت يوم ألوالد ضمها ألصدره
    وهيه ألضحكت يوم ألوالد كلها أبسره
    سبحان ألله تموت ألزهره وبيها ألحسره
    ورجال اتفكر بالسلطه والوالد مانازل كبره
    جاه ومال تريد تحصل والفارس خانكته ألعبره
    ولوا مادفن الوالد واجب جا حز الروس المتحجره
    وضاع الصوف بحلك المغزل
    ياوسفه وبس ضلت ذكرى
    وضاع الحك بساعة مندم
    وكالوا رايتنا المنتصره
    يا ضلع الزهره ودم احمر
    سال بساحات ارض الهجره
    أشكد وادم حركها الواجب
    من الكوفه الحد البصره
    لكن حلم الكرار أكبر
    من هاي ألناس ألمحتصره
    كال الدنيا تهون الدنيا
    والشجره أضل دوم مخضره
    ياكرار انت الكل مسلم
    شمعه تنور دربه وعمره
    أه أشكد تحبك وادم
    وأشكد بحبك منصهره
    نتراهن انه أواصحابي
    حب الكرار أشكد قدره
    كالوا ندخل بيه ألجنه
    كلتلهم وألباقي أنذخره
    يازهراء بيوم ألجمعه
    ماتت وردتنا ألمبتشره
    صوت ألغالي براسي يدوي
    للعالم في أجمل بشرى
    لاشيطان بهاي الدنيا
    ولاطاغي يضل بعد الثوره
    ياطوفان الجمعه ألعارم
    دوس بجدمانك علجمره
    تطلك دنيانا أبحاميها
    ماترضه تخليها أمعسره
    وأتموت ألبسمه أعلى شفافي
    والدمع يهل كطره بكطره
    من هدت فشكات ألظالم
    صوب ألمهيوب اتحز نحره
    سال ألدم بالنجف ألأشرف
    مازال ألدم يروي ألشجره
    يلبست ألغالي من شفافه
    لاتنسه ألوردات ألحمره
    درب ألحريه أيريد اكثر
    يلصليت بركن ألحضره

    ===============

      الوقت/التاريخ الآن هو الخميس مارس 28, 2024 2:05 pm