منتديات ميسان أونلاين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    زهيري لجبل الزهيري سعد محمد الحسن(مفتاح جنة عدن)

    حيدر رحيم
    حيدر رحيم


    المساهمات : 15
    تاريخ التسجيل : 15/12/2010

     زهيري لجبل الزهيري سعد محمد الحسن(مفتاح جنة عدن)  Empty زهيري لجبل الزهيري سعد محمد الحسن(مفتاح جنة عدن)

    مُساهمة  حيدر رحيم الأربعاء ديسمبر 15, 2010 11:52 am

    زهيري لشاعر العملاق سعد محمد الحسن رئيس الاتحاد العام للأدباء الشعبيين فرع ميسان في حب الامام علي عليه السلام

    بجدحة عيون الولي مرحب فهه وصك صك
    وبيبان نار الوغى حبه لهن صك صك
    ايفو وادي صقر لجله ثلج صك صك
    وبيبان جنة عدن حبه لهن فک فک
    وشجم اسیر نخه وجاهک اله فک فک
    الصنام متلایمت سیفک لهن فک فک
    من حیث زين الزلم من هيبتك صف صف
    الفرسان توگف سره من خزرتكصف صف
    وصفوف الهل العلم مديونه ألك صف صف
    لن انته بيغ شرف بس للكرم رف رف
    وشارب شهامة علي بس غيرتن رف رف
    التاريخ دنگ الک یشهد شرف رف رف
    لدموع اليتام يا چف انتخه وکف کف
    وهد على چفوف الکفر ردهن نكس كف كف
    من دمغ گصة الظلم بوجه صرخ كف كف
    لوما السقيفه زنت ما صار ابد طف طف
    بير السقيفه غدر بس بالحقد طف طف
    احتركت وصاحت علي وچفک لها طف طف
    رد حظن سيف العدل لجل النبي سل سل
    التاريخ يمك حضر نشدة بخت سل سل
    ياهو بسلاسل غضب للموزمه سل سل
    انته الشرف والفخر والغانمه ول ول
    وسيفك تمغط عزم ما وانه لو ول ول
    والما يوالي علي گله النبي ول ول
    بس اليوالي علي گله النبي هل هل
    وهلال عيد الفرح گبل الوکت هل هل
    شچم ملک بالعرش من الفرح هل هل
    من حیث ثدي العرش بس العلي در در
    وصاغت گلاده السمه من حچیه لن در در
    من ايده کض الوكت گله بأمر در در
    وهمان سيف الگصب لو هم ذبح مر مر
    تشهدله غزوة بدرطاريه لو مر مر
    الدنيه چفها رجف وریج الوکت مر مر
    وبيوم عملة احد گلب النبي فر فر
    ولمن حضرها علي كل الجمع فرفر
    كض گطب رحة الحرب غصبن عليه فرفر
    چالریح صولة علي تهب عاتيه وصرصر
    وغيره يدور الحفر والظلمه چن صرصر
    طلگ الدنيه شلع ما لملم وصرصر
    وحلوگن ترهولت کل حلگ ذل خرخر
    وحلوگ ترمي نبل چم فارسن خرخر
    ونجم على هام السمه لا غنتب وخرخر
    لمن علنها علي غيره ختل بس بس
    ولاگه المنیه فره ماگلها ابد بس بس
    وغيره گضتها بکم لا تفلهمت بس بس
    والعامري من برز كل الربع نس نس
    والباجي چن نعست بیها الوسن نس نس
    بیهم چذب من فهت واحدها چن نس نس
    بس الفقار انتخه لروس الکفر گص گص
    چالسیل عارم یهد ولكل سد گص گص
    ازرگ جحیلن عصف لخشم العدو گص گص
    لنک خشوم العده بيهن طحت طگ طگ
    الدین خاف الحسد حرمل الک طگ طگ
    مدغوغ کلب الکفر من حرگته طگ طگ
    انخبطت وبیک انتخت ناگوطها وشب شب
    والمجد عدک ربه کبرته أبه وشب شب
    من ناصباك الحقد بنارالخزي شب شب
    مديون عمر المحب بسنينه من سدسد
    يا چف عداله ابد ما یخطي لوسد سد
    من فتح خيبر لمه البيبانه من سد سد
    ياهو التعنه الصنم ولراسه من هد هد
    والليل من من شرد عل الظلمه من هد هد
    سليمان عجبه أظن من ناشد الهد هد
    بس ابو اليمه علي لقرص الشمس جر جر
    يشهد الخندق لمن جيش الكفر جر جر
    لوچف علي بالحشر توقيعه ألك جر جر
    اتصير الشفاعه ملك ناخذها چن صک صک

      الوقت/التاريخ الآن هو الخميس مارس 28, 2024 5:32 am