منتديات ميسان أونلاين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    قصيدة ( المجر الكبير ) الشعبية

    علي كاظم الربيعي
    علي كاظم الربيعي


    المساهمات : 304
    تاريخ التسجيل : 15/05/2011

    قصيدة ( المجر الكبير ) الشعبية Empty قصيدة ( المجر الكبير ) الشعبية

    مُساهمة  علي كاظم الربيعي الإثنين مايو 16, 2011 8:33 am

    قصيدة ( ألمجر ) للشاعر علي كاظم درجال ألربيعي ( أبوعمار )
    ===================================
    ===================
    مجر يامجرأيا مجر
    ياغيمة ربيع بمطر
    ياجولان زاهي بهور
    يابردي وكصب أخضر
    ياكحل أليضوي ألعين
    ياحنه برجل لسمر
    يادهله أليغطي ألكاع
    ينبت رازقي وعنبر
    ياتين بثنايا ألهور
    كاط أوشمبلان أحمر
    زهر أخضر طلع خريط
    طر ألماي صار أصفر
    مثل طعم ألعسل بالريك
    جمار ألنخل لو طر
    يبلام أليجول ألهور
    كلي أبياكتر تفتر
    أريد أتناك حتى هناك
    نكتب دارمي بدفتر
    صرت مغزل بحلك ألماي
    لامخلاص لامعبر
    شريعتنا كصب مضغوط
    وألموكد حله أوجمر
    حلم لاجن حلم تعبان
    بضلوع ألكصب حشر
    دجدم وأربط ألمشحوف
    يابلام كلبي أنطر
    تعال أكعد تدفه بنار
    دار ألكوشه وأتبختر
    يبلام ألمنايا أتحوم
    فوك ألهور غيم أحمر
    يبلام ألسفينه شراع
    بس ينكسر تدمر إإ

    -----------------------

      الوقت/التاريخ الآن هو الخميس مارس 28, 2024 10:52 pm