قصيدة (( لاتبجين ))

    شاطر
    avatar
    علي كاظم الربيعي

    المساهمات : 304
    تاريخ التسجيل : 15/05/2011

    قصيدة (( لاتبجين ))

    مُساهمة  علي كاظم الربيعي في الإثنين مايو 16, 2011 8:20 am

    [size=21]
    قصيدة ( لاتبجين ) للشاعر وألباحث علي كاظم درجال ( أبو عمار ألربيعي )
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
    لاتبجين دمعاتج على تراب ألكبر طين
    لاتبجبن دمعاتج ثكيله وماليه ألعين
    أحلفنج أبعشرتنا ألقديمه ودم ألحسين
    أحلفنج بنوم ألعافيه ونبض ألشرايين
    أحلفنج بشارات أبو سدره وألبساتين
    أحلفنج لأن أنت عزيزه وماليه ألعين
    أحلفنج بقطرات ألندى وطيب ألرياحين
    أحلفنج بشمام ألبنات أمطعم بتين
    لاتبجين أضفرنج قصيده أعلى ألحياطين
    وضل أغزل بشعرج غزل مسكين
    ونه مدوهن بحبج صارلي سنين
    وانه أدري أمن أطيحن ماتكصرين
    كافي ألنوح بحت صوتج أتصحي ألمجانين
    لاتبجين حتى ألكبر ينطر من تصرخين
    أشعلي شموع وقري ألفاتحه وسورة ألياسين
    وذكري ألله يسمره أو لاتكفرين
    صحيح أنت ألوفه وشمعة ألطيبين
    وصحيح أنت ألحملتي ألزين وألشين
    وصحيح أنت ألمراسيلج دواوين
    وصحيح انت أنظلمتي وصاحبة دين
    وصحيح أنت ألعلى ألعيله تصبرين
    وصحيح انت ألرسمتي أعلى ألورد عين
    يهيل أنت بطعم كهوة أفناجين
    أذكريني أنه ألشايل محبتج بالشرايين
    شتل عنبر على أضفاف ألفراتين
    يكاط وعنكر وجولان زاهي ويه ألكواهين
    أحس حنظل أبريجي أشماتصدين
    لأن كل ألمعاني أتغرز بضلوعي سجاجين
    مامرتاح وأنت عيون محبوسة روازين
    مامرتاح أجوب ألمدن ملتني ألدرابين
    جم عيد اليمروأنت مكدره وما تضحكين
    يمفتاح ألمحبه ألقفل زنجر عاكره ألبين
    أو تخلبص غزل عمري أعلى ألطواوين

    ==================

    [/size]
    avatar
    علي كاظم الربيعي

    المساهمات : 304
    تاريخ التسجيل : 15/05/2011

    رد: قصيدة (( لاتبجين ))

    مُساهمة  علي كاظم الربيعي في السبت يونيو 18, 2011 11:04 am

    لاتبجين دمعاتج على خدودج نياشين
    دمعاتج جذر عاكول من يمتد شرايين
    ماتدرين انه الزارع بكلبي اسمج سنادين
    خضر رازقي وعنبر ورد جوري ورياحين
    أصبري يابعد روحي تره الوشو شياطين
    --------------------------------
    [center]

      الوقت/التاريخ الآن هو السبت نوفمبر 18, 2017 4:37 pm